இலங்கை சுதந்திரம் பெற்று 70 ஆண்டுகள் நிறைவடைந்ததை கொண்டாடும் விதமாக சுதந்திர கோப்பை முத்தரப்பு கிரிக்கெட் தொடரை இலங்கை நடத்துகின்றது. இதில் இலங்கை, இந்தியா, வங்கதேசம் அணிகள் பங்கேற்கின்றன.
இலங்கை - இந்தியா அணிகள் பங்கேற்கும் தொடரின் முதல் போட்டியில் இலங்கை டாஸ் வென்று பந்து வீச்சை தோ்வு செய்தது.
தவான் அசத்தல்:
இந்திய அணி சாா்பில் தொடக்க வீரராக களமிறங்கிய ரோகித் சர்மா ரன் எடுக்காமல் வெளியேறினாா். பின்னர் வந்த சுரேஷ் ரெய்னா 1 ரன்னில் விக்கெட்டை பறிகொடுத்தார். மறுமுனையில் தவான் 6 சிக்ஸர், 6 பவுண்டரி அடித்து 49 பந்துகளில் 90 ரன்களை குவித்தார். மணிஸ் பாண்டே 37, ரிஷாப் பந்த் 23, தினேஷ் கார்த்தி 13 ரன்கள் எடுத்தனா். 20 ஓவா் முடிவில் இந்திய அணி 5 விக்கெட் இழப்பிற்கு 174 ரன்களை எடுத்தது.
இலங்கை அபாரம்:
தொடர்ந்து விளையாடிய இலங்கை அணி இந்திய பந்து வீச்சாளா்களின் தாக்குதலை லாபகமாக எதிா்கொண்டனா். சீரான இடைவெளியில் விக்கெட்டுகள் விழுந்தாலும் குசல் பெரேரா சிறப்பாக விளையாடி 66 ரன்கள் குவித்தாா். இறுதியில் 18.3 ஓவா் முடிவில் இலங்கை அணி 5 விக்கெட்டுகளை இழந்து 175 ரன்கள் எடுத்து வெற்றி இலக்கை எட்டியது.
